មន្ត្រីកាំកុងត្រូលខេត្តកំពត ចុះត្រួតពិនត្យរកសារធាតុហាមឃាត់ ក្នុងស្ករត្នោត និងគ្រឿងសមុទ្រស្រស់ ក្នុងផ្សារសាមគ្គី
29-January-2016 | ដោយ មួយឡា
កំពត៖ មន្ត្រីសាខាកាំកុងត្រូលខេត្តកំពត-ខេត្តកែប សហការជាមួយមន្ត្រីមន្ទីរពាណិជ្ជកម្មខេត្តកំពត និងគណៈកម្មការផ្សារ បានចុះត្រួតពិនិត្យផលិតផលទំនិញ ដែលបានចរាចរណ៍ដាក់តាំងលក់ នៅលើទីផ្សារខេត្តកំពត ពិសេស គឺស្ករត្នោត និងមឹក បង្គាស្រស់ៗ ដែលកន្លងមកប្រជាពលរដ្ឋ ធ្លាប់មានការព្រួយបារម្ភខ្លាចមានជាតិគីមី sodiumhydrosulfite (ម្សៅស) និងហ្វូកម៉ាលីន ដែលអាចប៉ះពាល់សុខភាពអ្នកទទួលទាន។ ក្នុងការធ្វើតេស្តអស់រយៈពេលមួយព្រឹកធំ របស់មន្ត្រីជំនាញ ឃើញថា ពុំមានវត្តមានសារធាតុគីមីហាមឃាត់ នៅក្នុងទំនិញស្កត្នោត ឬគ្រឿងសមុទ្រ ដែលបានដាក់លក់នោះទេ។
លោក ពា សារី អនុប្រធានសាខាកាំកុងត្រូលខេត្តកំពត បានឲ្យដឹងថា ការស្វែងរកសារធាតុគីមីទាំងនេះ គឺដើម្បីបន្ថែមសុវត្ថិភាពជូនប្រជាពលរដ្ឋ ព្រោះវាអាចបណ្តាលឲ្យមានជម្ងឺច្រើនប្រភេទ ឬអាចបង្កគ្រោះថ្នាក់ដល់អាយុជីវិតអ្នកបរិភោគផងដែរ។
លោក ពា សារី ក៏បានអប់រំណែនាំដល់អាជីវករ ត្រូវមានការប្រុងប្រយ័ត្ន បើមានការទទួលពីអ្នកលក់បោះដុំចែកចាយ ត្រូវចេះសង្កេតមើលពីអត្តសញ្ញាណស្ករ យ៉ាងហោចណាស់ក៏ត្រូវដឹងពីប្រភពទំនិញ និងអ្នកចែកចាយលក់ឲ្យបានច្បាស់លាស់ដែរ បើមិនដូច្នោះទេ សមត្ថកិច្ចរកឃើញនាំឲ្យខាតបង់ និងប្រឈមមុខចំពោះច្បាប់ទៀតផង។
ជាមួយនោះសមត្ថកិច្ចកាំកុងត្រូល ក៏បានធ្វើការណែនាំអប់រំដល់អាជីវករលក់ប្រហិត សាច់ប៉ាតេច្រកថង់ក្លាស្សេ ហាមមិនឲ្យដាក់តាំងលក់ក្រៅធុងក្លាស្សេទេ ព្រោះធ្វើឲ្យខូចពុកស្អុយបង្កគ្រោះថ្នាក់សុខភាពដល់អ្នកហូប។ សមត្ថកិច្ច ក៏បានធ្វើកិច្ចសន្យាជាមួយអាជីវករ បើនៅមិនអនុវត្តតាមការណែនាំសមត្ថកិច្ច និងចាត់វិធានការទៅតាមផ្លូវច្បាប់៕
ប្រភព៖ ann.com
ចំនួនអ្នកទស្សនា
- ថ្ងៃនេះ7831
- ម្សិលមិញ10901
- សប្តាហ៍នេះ23211
- ខែនេះ45091
- ឆ្នាំនេះ45091
- សរុប20487547